Mediat ndërkombëtare janë duke raportuar gjithnjë e më tepër në lidhje me gjendjen shëndetësore të Presidentit të Turqisë, Rexhep Tayyib Erdogan.
Disa javë më parë, “Foreign Policy” shkruante se Erdogan e ka thuajse të pamundur që të vijojë të drejtojë Turqinë deri në zgjedhjet e vitit 2023 për shkak të problemeve shëndetësore. Gazetarë opozitarë turq flasin për kancer në zorrën e trashë, por kjo nuk është konfirmuar asnjëherë nga autoritetet turke, të cilat kanë qenë shumë të rezervuara në lidhje me shëndetin e liderit turk.
Ndërkohë, vetëm një ditë më parë, ai u pa teksa ecte me shumë vështirësi pas një deklarate për shtyp për mediat në Turqi. Erdogan tërhiqte zvarrë këmbët e tij, ndërsa veshur dukej se kishte këpucë speciale, të cilat ndihmojnë për të mos humbur ekuilibrin.
Erdoğan: Ecevit ciddi şekilde rahatsız. Artık istifa etmeli
(22 Mayıs 2002) pic.twitter.com/DnKZ42zvaW— Ayşe Aydoğdu (@ay_moon_ay) November 1, 2021
Edhe pse nuk është konfirmuar zyrtarisht asnjëherë nga qeveria turke, ka të dhëna që Erdogan vuan prej vitesh nga një sëmundje e rëndë, por gjendja është përkeqësuar gjatë muajve të fundit ku në disa dalje publike ai me zor ka mbajtur edhe ekuilibrin. /abcnews.al
