Selia Blu është “zhveshur” nga peshat e rënda të dyerve dhe dritareve të blinduara.
Prej disa ditësh në selinë e demokratëve, është punuar me orë të zgjatura për të hequr të gjitha materialet, logot dhe banerat e vendosur disa ditë përpara protestës së 8 Janarit.
Heqja e “blindave” nga PD, ka ardhur pasi Gjykata njohu Komisionin e Rithemelimit si organi drejtues i PD duke pranuar kështu ndryshimet statutore të Kuvendit të 11 dhjetorit.
Në PD kanë nisur negociatat për të bashkuar grupet mes deputetëve që më parë u rreshtuan krah Bashës dhe grupit të Rithemelimit.
Lexo edhe: VIDEO/ Hiqen dyert e blinduara nga PD, njëra prej tyre peshon 350 kg
Vendimi i Gjykatës së Tiranës për të regjistruar statutin e Kuvendit të 11 Dhjetorit, i cili ndër të tjera njeh shkarkimin e të gjithë strukturave drejtuese të PD-së dhe kalimin e Komisionit të Rithemelimit si drejtues të partia duket se përmbys të gjithë situatën në këtë parti.
Përmes këtij vendimi, gjykata njeh praktikisht Komisionin e Rithemelimit si drejtues të Partisë Demokratike, i cili në fakt përbëhet nga deputetë dhe funksionarë të PD, mbështetës të Sali Berishës.
/abcnews.al/
