Gianluigi Buffon, një ditë më parë njoftoi se në fund të sezonit do të largohet nga Juventusi. Portieri legjendar i bardhezinjve bëri me dije se nuk do të rinovojë më klubin nga Torino dhe gjasat që ta lërë futbollin janë të mëdha.
Gjithmonë nëse nuk do të ketë ndonjë ofertë. Për 43-vjeçarin ka një pistë mjaft interesante për të ardhmen. Footmercato raporton se Buffon mund të transferohet në Spanjë, madje në një klub të madh si Barcelona.
Mes të tjerash raportohet nga francezët se ka pasur kontakte të drejtpërdrejta për ta konkretizuar këtë lëvizje. Sigurisht për katalanasit do ishte një transferim me kosto të ulët dhe Buffon do të ishte mbështetke për Marc-Andre Ter Stegen.
