Ish-lojtari i Tottenham Hotspur, Chris Armstrong përballet me burgim pasi vandalizoi dyqanin e tij lokal ‘Tesco’ dhe rrëzoi një punonjës në tokë kur iu tha se nuk mund të blinte cigare.
Armstrong shkaktoi një dëm prej 2000 paundësh kur goditi skanerët e sigurisë në supermarketin në Chelsea, Londër.
“Oficerët u thirrën në ‘Tesco’ për shkak të një raportimi të një burri agresiv dhe të dhunshëm që shkatërroi dyqanin,” tha prokurori Nathan Fuller në deklaratën e tij në Gjykatën e Magjistraturës së Westminsterit.
“Ai u fut në dyqan duke kaluar me forcë nga dera duke kërkuar cigare. Dyqani u mbyll përkohësisht sepse stafi po bënte pushim. Kur iu tha se nuk mund të blinte cigare, ai u bë agresiv.”
Armstrong ishte një sulmues anglez i cili ka luajtur për disa skuadra duke përfshirë Millwall, Crystal Palace, Tottenham, Bolton Wanderers dhe Wrexham.
Tani 50-vjeçari i kaloi vitet e tij më të mira në Crystal Place dhe Spurs gjatë viteve 1990, duke ndërtuar një partneritet veçanërisht të frytshëm me Teddy Sheringham në Tottenham.
Në mars 1995, ai rezultoi pozitiv për kanabis për t’u bërë lojtari i parë i Premier League që dështoi në një test droge. Armstrong u dënua për katër ndeshje, përpara se të bashkohej me Spurs për një tarifë rekord klubi prej 4.5 milionë paund në verë.
Pas karrierës së tij si lojtar, Armstrong u arrestua për posedim kanabis, kokainë dhe ekstazi pas një bastisjeje në West Kensington në vitin 2016. Ai u deklarua fajtor për posedim të drogave të klasit A dhe B./ h.ll/abcnews.al
