Një ngjarje e rëndë ka ndodhur në Uells ku një foshnjë vetëm 5 muajshe është sulmuar nga një qen. Mediat e huaja shkruajnë se një foshnjë pesë muajshe është dërguar me urgjencë në spital pasi u sulmua nga një qen në Caerphilly, Uells.
Foshnja u dërgua në Spitalin Universitar të Cardiff-it në Uells me lëndime të cilat që atëherë janë konsideruar jo të rrezikshme për jetën.
“Ne u thirrëm në një adresë në Penyrheol, Caerphilly rreth orës 9:10 të mëngjesit të së shtunës pas raportimeve për një sulm qeni”, kanë thënë oficerët.
Ndër të tjera thuhet se autoritetet po punojnë për zbardhjen e plotë të kësaj ngjarje./abcnews.al
