E çuditshme, por e vërtetë. Çmimi i naftës në bursa është prej disa ditësh nën 100 USD/ fuçia, por pasi priti tre ditë, Bordi i Transparencës ka marrë mundimin që ta ulë cmimin e naftës për tregun shqiptar nga 240 lekë/ litri në 238 lekë/ litri.
Bëhet fjalë për një ulje me vetëm 2 lekë/ litri për naftën edhe pse prej ditësh nafta në bursa është nën 100 USD/ fuçia.
Sa i përket benzinës, Bordi ka vendosur që të shitet me 218 lekë/ litri ose 5 lekë më pak krahasuar me vendimin e fundit. Benzina ka pësuar uljen më të madhe gjatë ditëve të fundit, ndërkohë që nafta duket sikur ka “ngrirë” në rreth 240 lekë/ litri edhe pse çmimi është ulur ndjeshëm në bursë.
Njoftimi i plotë
Bordi i Transparencës në datë 15 Korrik 2022, në mbledhjen e radhës vendosi:
✅Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 238 lekë/litri, ndërsa i shitjes me shumicë jo më shumë se 226 lekë/litër.
✅Çmimi i shitjes me pakicë i nënproduktit benzinë e standardit SSH EN të jetë jo më shumë se 218 lekë/litri,ndërsa i shitjes me shumicë jo më shumë se 206 lekë/litër.
✅Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.
?Çmimet e caktuara nga Bordi do të hynë në fuqi sot datë 15 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
⚠️Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
?Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
?Jemi në monitorim të vazhdueshëm të ecurisë së bursave, me qëllim reagimin sa më të shpejtë. /abcnews.al
