Një ngjarje e pazakontë i ka habitur të gjithë, pasi një foshnjë ka arritur të mbijetojë në zorrën e nënës, pas përpjekjes së kësaj të fundit për ta abortuar. Vogëlushja arriti të mbijetonte pavarësisht se ishte jashtë mitrës, shkruan The Sun
40 vjeçarja nga Irani, ishte përpjekur të abortonte në shtëpi gjatë javës së 14-të të shtatzënisë. Por nuk funksionoi, ndërsa nëna kishte dhimbje të forta duke mos e ditur se ajo kishte një shtatzëni të rrallë abdominale.
Ajo vendosi të mos shkonte në spital pasi kishte frikë se do të ndiqej penalisht. Pas 10 ditësh u ndje më mirë, por dhimbjet filluan sërish 10 javë më vonë. Nëna, e cila nuk e kishte idenë se foshnja e saj ishte në zorrën e saj, shkoi në spital pas dy javësh të tjera.
Ajo kishte dhimbje barku, marramendje dhe humbje oreksi. Gruaja kishte humbur 3 kg brenda dy javësh dhe vuante nga anemia, megjithëse shenjat jetësore ishin të qëndrueshme. Ajo hyri në sallën e operacionit dhe solli në jetë foshnjën – e cila peshonte 800 gram, shkruan abncews.al
Foshnja nuk kishte probleme shëndetësore pavarësisht se ishte zhvilluar në vendin e gabuar. Vogëlushja ka arritur të qëndrojë në qeskën amniotike pas shkëputjes nga mitra.
Shtatzënia abdominale është një gjendje e rrallë dhe në vendet ku aborti është i paligjshëm, pacientët me status të ulët socio-ekonomik janë të prirur të veprojnë në fshehtësi.
/abcnews.al
