Abc News ka siguruar pamjet e pakos së dyshimtë që ka vendosur në alarm qytetin e Vlorës mbrëmjen e sotme. Pakoja është e mbështjellë me një celular duke krijuar dyshimet se kemi të bëjmë me një bombë të telekomanduar.
Dyshimet e forta kanë detyruar policinë që të rrethojë zonën pranë pallatit të kulturës duke vendosur perimetrin e sigurisë për të mos lejuar qarkullimin deri në momentin e mbërritjes së ekspertëve të xhenios nga Tirana, pasi në Vlorë nuk ka specialistë të tillë.
Segmenti, që njihet si rruga e portit, ku është gjetur pakoja frekuentohet shumë nga këmbësorët. Zona vijon që të jetë e rrethuar prej orës 19:00.
Abc News mëson se policia ka marrë disa pamje nga disa kamera sigurie të bizneseve pranë vendit të ngjarjes për të parë nëse arrijnë të identifikojnë personin që ka lënë pakon, që ka vendosur në alarm qytetin bregdetar mbrëmjen e sotme. /db/Abcnews.al
