Në mesjavën e ardhshme nis sezoni i ri i Champions League dhe skuadrat i pret një periudhë shumë impenjative. Kalendar i ngjeshur dhe ndeshje çdo tre ditë, por te Dortmundi nuk ankohen.
Drejtori sportiv i klubit gjerman, Michael Zorc, në konferencën për shtypin përpara sfidës së sotme ndaj Hoffenheim në transfertë, foli hapur rreth situatës së krijuar.
“Është një situatë e vështirë, por ne duhet ta pranojmë kështu siç është. Trajneri është i detyruar të improvizojë shumë, pasi është e vështirë të dihet se cilët lojtarë do të jenë në dispozicion.
Është e kotë të ankohemi, nuk duhet ta bëjmë një gjë të tillë, thjesht duhet të pranojmë realitetin“, deklaron drejtuesi i verdhezinjve, të cilët do të ndeshen me Lazion të martën në mbrëmje në “Olimpico”. /abcnews.al
