Një tjetër lajm i mirë vjen nga Italia. Klubi i Hellas Veronës ka njoftuar se mesfushori, Mattia Zaccagni, është shëruar plotësisht nga Coronavirusi. Italiani doli pozitiv në testin e Covid-19 në mes të marsit dhe që nga ajo ditë ai ka qenë në vetëizolim të plotë.
”Hellas Verona FC njofton se sipas protokollit, Mattia Zaccagni, është shëruar nga Coronavirusi-Covid 19. Testi ka dalë negativ në orët e fundit. Futbollisti është rikuperuar dhe nuk do të jetë më i detyruar të qëndrojë i izoluar në shtëpi”, shkruhej në deklaratën e klubit.
24-vjeçari ishte lojtari i Veronës që doli pozitiv me Coronavirus. Mesfushori numëron 23 takime këtë sezon në Seria A, ku ka shënuar një gol dhe ka asistuar shtatë herë për shokët e skuadrës. /abcnews.al
#Covid19, Zaccagni è guarito
Leggi qui ➡️ https://t.co/oH19wYRKJx#HVFC pic.twitter.com/0PItYMMeXW— Hellas Verona FC (@HellasVeronaFC) April 23, 2020
