Një ngjarje e rëndë ka ndodhur këtë të shtunë në Vlorë ku si pasojë e një aksidenti në punë ka humbur jetën një 17 vjeçar.
Viktima e kësaj ngjarje të rëndë është 17 vjeçari Jaup Bekotaraj, nga Radhima. I riu ishte duke punuar për ndërtimin e një pallati në zonën e Ujit të Ftohtë në Vlorë, por në një moment në rrethana ende të paqarta ai është goditur nga skrepi që po punonte aty pranë duke marrë plagë të rënda.
Dërgimi i tij në spital me shpejtësi nuk ka mundur që t’i shpëtojë jetën.
Ky është punëtori i tretë që ndërron jetë brenda pak ditësh në kantieret e ndërtimit në Shqipëri, ndërsa administratorët e kompanive vijojnë të mos dënohen.
Ndërkohë policia ka shoqëruar në komisariat dhe ka marrë në pyetje drejtuesin e skrepi, 29 vjeçarin me iniciale B.Ç.
Njoftimi i policisë:
Rreth orës 16:20, në lagjen “Ujë i Ftohtë” Vlorë, pranë Kalasë, një mjet vinç duke kryer punime pastrime territori në këtë zonë, ka aksidentuar një shtetas ende të paindentifikuar, i cili si pasojë ka ndërruar jetë në vend.
Policia ka shoqëruar drejtuesin e mjetit, shtetasin B.Ç., 29 vjeç, banues në Librazhd, i cili po merret në pyetje në lidhje me ngjarjen.
Grupi hetimor ndodhet në vendngjarje dhe po kryejnë hetimet e mëtejshme për sqarimin e rrethanave./abcnews.al
