Deputeti i Lëvizjes Vetëvendosje dhe nënkryetari i kësaj partie, Glauk Konjufca është zgjedhur kryetar i Kuvendit të Kosovës.
Ai u propozua në këtë pozitë nga kreu i partisë, Albin Kurti.
Konjufca ka marrë 75 vota pro, 29 abstenime dhe 6 vota kundër, duke arritur kështu sigurimin e votave të mjaftueshme për të drejtuar Kuvendin e Kosovës.
Sipas marrëveshjes për koalicion Vetëvendosje-LDK, Kryetari i Kuvendit do t’i takonte partisë së Isa Mustafës.
Ndërkaq, Arbërie Nagavci e VV-së, Kujtim Shala i LDK-së dhe Memli Krasniqi nga PDK janë propozuar për nënkryetarë të Kuvendit të Kosovës./abcnews.al
