Një i dënuar është vetëvarur brenda qelisë së burgut të Durrësit.
Abc mëson Roland Hasani, 44 vjeç është dërguar në gjendje të rëndë në spital. Por 44 vjeçari nuk ka mundur të mbijetojë dhe ka humbur jetën.
Ai ishte dënuar me 14 vite burg për vrasje.
Nuk dihet se si ka ndodhur ngjarja e rëndë ndërsa pritet të zbulohen më shumë detaje në vijim.
Kush ishte Roland Hasani
Roland Hasani ishte një nga 7 të përfshirët nga Interpoli për vrasjen e dy komisionarëve zgjedhorë në Ersekë Nako Skupra dhe Ilirjan Arapi. Ngjarja e rëndë u shënua në 29 qershor të 1997 në Ersekë u ekzekutuan 2 komisonerët e PS në momentin e transportimit të kutive të votimit në bashkinë e këtij qyteti. Gjatë kësaj ngjarje mbetën të plagosur edhe shtetasit Taqo Skupra, Alfred Shehu, Kastriot Zenollari, Arben Arapi plagosur edhe Shaban Koxhaj.
Për ngjarjen në fjalë janë dënuar në mungesë për këto krime, Spartak Sageri, Roland Hasani dhe Hysni Dervishi, të cilët ndodhen në Angli dhe kërkohen nga policia, pasi kanë marrë dënimin 20 vjet burg secili. I vetmi i dënuar për këtë ngjarje ishte Adriatik Ferjati i dënuar me 18 vite burg.
/Abcnews.al/
