Sulmohen me raketa konsullata dhe baza amerikane në Irak, dyshohet se erdhën nga Irani

schedule00:58 - 13 Mars, 2022

schedule 00:58 - 13 Mars, 2022

Disa raketa balistike u hodhën drejt konsullatës së SHBA në Erbil në Irakun veri-perëndimor të shtunën mbrëma, sipas Agjencisë irakiane të Lajmeve (INA).

Guvernatori i Erbilit, Omed Khoshnaë, deklaroi se disa raketa ranë në zonë, duke thënë se ishte e paqartë nëse objektivi ishte konsullata amerikane apo aeroporti në qytet. Sipas INA, gjatë sulmit janë dëgjuar pesë shpërthime, raporton abcnews.al.

Po ashtu, raportohet se është sulmuar edhe një bazë amerikane në zonë, megjithatë ngjarja sapo ka ndodhur edhe nuk ka të dhëna të plota.

Fill pas sulmit, në qiellin e Irakut janë duke fluturuar një numër i madh avionësh gjuajtës të SHBA-ve, ç’ka rrit frikën për një përshkallëzim të papritur të situatës në Lindjen e Mesme.

Mësohet se nuk ka patur viktima nga radhët e personelit që gjendeshin në konsullatë dhe bazë.

/abcnews.al