Dy shpërthime të fuqishme janë dëgjuar në kryeqytetin ukrainas, Kiev.
Agjencia e lajmeve Reuters thotë se dëshmitarët okularë ishin në gjendje të konfirmonin shpërthimet, por nuk ka detaje të tjera se çfarë i shkaktoi ato.
Sipas Kyiv Independent, re të mëdha tymi janë ngritur mbi qendrën e qytetit.
Shpërthimet tregojnë se një raketë goditi qytetin ose ajo u kap nga mbrojta ajrore.
Në kanalin e tij Telegram, këshilli i qytetit të Kievit thotë se Rusia shkaktoi dy shpërthime në lagjen Shevchenkivskyi.
Zyrtarët thonë se të gjitha shërbimet e urgjencës janë në vend, por informacionet për viktimat e mundshme janë ende duke u sqaruar.
Dy shpërthimet vijnë pasi Sekretari i Përgjithshëm i OKB-së Antonio Guterres po viziton Kievin për bisedime dhe ka dhënë një konferencë të përbashkët shtypi së bashku me presidentin ukrainas Volodymyr Zelensky.
Më herët sot, zëdhënësja e Ministrisë së Jashtme ruse Maria Zakharova paralajmëroi Perëndimin kundër inkurajimit të Ukrainës për të sulmuar territorin rus.
/abcnews.al/
⚡️⚡️ Two loud explosions heard in central Kyiv. Smoke is rising above the city center.
Explosions can indicate either that a missile hit the city, or that it was intercepted by air defense.
— The Kyiv Independent (@KyivIndependent) April 28, 2022
