Një 46-vjeçar në Dhërmi është vënë në pranga pasi plagosi me thikë një qytetar pas një konflikti për motive të dobëta. Bëhet e ditur se i arrestuari Q. H., goditi me thikë një 31-vjeçar i cili aktualisht ndodhet në spital nën kujdesin e mjekëve.
NJOFTIMI
Himarë
Plagosi me mjet prerës një shtetas, arrestohet në flagrancë 46-vjeçari.
Shërbimet e Komisariatit të Policisë Himarë, menjëherë pas marrjes së njoftimit për një plagosje me mjet prerës, në Dhërmi, kanë shkuar në vendin e ngjarjes.
Falë ndërhyrjes në kohë nga shërbimet e Policisë është kapur dhe shoqëruar në ambientet e Policisë, shtetasi Q. H., i cili mëngjesin e sotëm, pas një konflikti për motive të dobëta, në Dhërmi, ka goditur me mjet prerës (thikë), shtetasin S. Xh., 31 vjeç, i cili ndodhet në spital, nën kujdesin e mjekëve.
Në përfundim të veprimeve procedurale, nga specialistët për Hetimin e Krimeve në Komisariatin e Policisë Himarë u bë arrestimi në flagrancë i shtetasit Q. H., 46 vjeç, për veprën penale “Plagosja e rëndë me dashje”. /abcnews.al/
