E FUNDIT/ OFL i dërgon “letrën” Emiljano Shullazit dhe Gjergj Cukalit: Deklaroni pasurinë!

schedule12:20 - 11 Shkurt, 2020

schedule 12:20 - 11 Shkurt, 2020

OFL i ka dërguar sot formularin për deklarimin e burimit të pasurisë dy personazheve të njohur në Tiranë. Abcnews.al mëson se bëhet fjalë për Emiljano Shullazin dhe Gjergj Cukalin.

Ndaj Emiljano Shullazit rëndojnë mjaft akuza dhe grupi i tij është duke u gjykuar.  Shullazi ndodhet i paraburgosur, pasi ndaj tij po zhvillohet gjykimi për veprat penale “Shtrëngimi me anë të kanosjes ose dhunës për dhënien e pasurisë”, “Grup i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Gjergj Cukali

Ndërkohë, Gjergj Cukali është një personazh mjaft i njohur në botën e krimit. Në vitin 2006 Gjykata e Rrethit Tiranë e ka dënuar me 10 vite burg, për veprën penale “Rrëmbimi ose mbajtja peng e personit”. Në vitin 2004, ai ka qenë i akuzuar për pengmarrje.

Emiljano Shullazi dhe grupi i tij ne gjyq

Njoftimi i policisë

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në këtë kuadër OFL u ka dërguar kërkesat për vetëdeklarim të pasurisë shtetasve:

– E. Sh, me banim në Tiranë, i cili aktualisht ndodhet i paraburgosur, pasi ndaj tij po zhvillohet gjykimi për veprat penale “Shtrëngimi me anë të kanosjes ose dhunës për dhënien e pasurisë”, “Grup i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”;

– Gj. C., me banim në Tiranë, pasi në vitin 2006, Gjykata e Rrethit Tiranë e ka dënuar me 10 vite burg, për veprën penale “Rrëmbimi ose mbajtja peng e personit”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.

Më pas, përgjigjet e marra do t’i dërgohen SPAK-ut, për veprime të mëtejshme.

OFL, që prej nisjes së operacionit e deri sot, u ka dërguar kërkesë për vetëdeklarim të pasurisë 13 personave, si dhe ka sekuestruar: një vilë, një karburant, 6 banesa, 3 automjete dhe 1900 m2 truall, arë.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

Vijon…