Rritje a çmimeve të karburanteve unanimisht nga të gjitha kompanitë që operojnë në treg, duket se ka sjellë shqetësim për Autoritetin e Konkurrencës. Këta të fundit kanë nisur hetim në lidhje me situatën e krijuar.
“Konkurrenca” shpjegon se rritja e çmimi u rrit unanimisht dhe ka indikator që mund të jetë bërë me një marrëveshje të ndaluar. Me fjalë të tjera kompanitë e tregtimit të karburanteve janë marrë vesh mes tyre ashtu siç bëjnë kartelet, duke rënë dakord për rritjen e çmimeve.
“Çmimet janë të rëndësishme. Ne kemi vendosur prej një jave monitorimin e tregut të hidrokarbureve, pra indikatori ishte rritja e menjëhershme në unison e çmimit, mund të jetë një nga indiciet e një marrëveshje të ndaluar, mund të jetë e ndikuar nga tregjet e jashtme, prandaj kemi vendosur hetimin për një periudhë që të jetë sa më e shpejtë brenda kapaciteteve tona”, tha kreu i Autoritetit të Konkurrencës, Denar Biba.
Çmimet e karburanteve kanë shënuar një tjetër rritje ditët e fundit, për herë të gjashtë radhazi në vetëm pak muaj. Shqiptarët janë duke u përballur me nivele rekord të çmimit të karburanteve. Aktualisht, një litër naftë po shitet mesatarisht me 196 lekë për litër, ndërsa një litër benzinë 198 lekë për litër.
Lexo edhe: INFOGRAFIK/ Gënjeshtra dhe të vërteta, pse po blejnë shqiptarët naftën me 196 lekë?
Në çdo rast, kur kërkohen shkaqet e shtrenjtimit të karburanteve në vend, gishti drejtohet nga tregu ndërkombëtar dhe fjala magjike e justifikimit është “bursa”.
Për çdo litër naftë të blerë sot, paguhen rreth 102.8 lekë/ litër taksa dhe 91 lekë/ litër kosto fillestare të karburantit.
/abcnews.al/
