Grusht drejtorit të bankës, arrestohet 52- vjeçari

schedule13:24 - 8 Korrik, 2020

schedule 13:24 - 8 Korrik, 2020

Një 52-vjeçar me iniciale T.K. është arrestuar nga policia e Beratit pasi ka goditur me grushte drejtorin e një banke të nivelit të dytë.

Sipas policisë debati mes tyre ka nisur në ambientet e bankës, ku dhe ka ndodhur përplasja fizike.

“Goditi drejtorin e një banke në ambientet e punës, arrestohet 52-vjeçari.

Specialistët për Hetimin e Krimit në Komisariatin e Policisë Berat kanë bërë arrestimin në flagrancë të shtetasit T. K., 52 vjeç, pasi, pas një debati me drejtorin e një banke të nivelit të dytë, në ambientet e punës, e ka goditur atë me grushte.

Materialet i kaluan Prokurorisë së Rrethit Gjyqësor Berat, për veprime të mëtejshme, për veprën penale “Goditje për shkak të detyrës”, njofton policia./abcnews.al