Gjykata për Krime të Rënda shpall të pafajshëm Suel Çelën dhe dënon me 6 vite burg Enea Bekteshin dhe 5 vite burg Klement Xhaferrin.
Duke iu referuar relacionit të prokurorit, duket se dy provat më të forta të Prokurorisë për Krime të Rënda në lidhje me identifikimin e autorëve në këtë ngjarje, ishin shenjat e gishtave të gjetura në krahun e pasagjerit në “Audi-n” e zi dhe një cigare puro.
Nga këto shenja të gjetura u përftuan materiale biologjike të cilat sipas prokurorisë korrespondonin përkatësisht me shenjat e gishtave të Enea Bekteshit, gjithashtu edhe në cigaren puro ishte përftuar material biologjik i përputhshëm me atë të Suel Çelës.
Pas Suel Çelës, gjykata liron edhe Florenc Çapjan: Bien akuzat për tentativë vrasje dhe pengmarrje
Mirëpo me sa duket, këto prova nuk e kanë bindur Gjykatën e Krimeve të Rënda për fajësinë e Suel Çelës.
Sipas gjykatës, Prokuroria nuk ka arritur dot të vërtetoj me prova të qarta përfshirjen e Suel Çelës në ngjarjen në tregun agro-ushqimor në Elbasan.
Po sipas Gjykatës, prova e gjetur në automjetin tip “Audi”, cigarja, nuk tregon nëse ka qenë ose jo në momentin e ngjarjes Suel Çela./abcnews.al
