Trupi i një personi të pajetë është gjetur pasditen e sotme nga 2 barinj në Kolonjë.
Policia bën me dije se rreth orës 14:00 është njoftuar se mbi fshatin Kolonjë, në afërsi të piramidës nr. 4 dy barinj të zonës, kanë konstatuar një kufomë njeriu të seksit mashkull, të dekompozuar.
Dyshohet se është emigrant, por për shkak se është dekompozuar komplet është i vështirë identifikimi.
Mbetjet kockore do të dërgohen në Institutin e Mjekësisë Ligjore.
Identifikimi i viktimës mund të bëhet vetëm nëpërmjet ADN-së.
Dyshohet që viktima të ketë vdekur aksidentalisht pasi terreni ku është gjetur është shumë i thyer, sipas burimeve policore.
Për identifikimin e kufomës policia lokale do të verifikojë fillimisht listën e personave të njoftuar të humbur në zonën e Kolonjës.
Agjentët atmosferikë, dëbora dhe reshjet kanë ndihmuar dekompozimin e trupit.
Grupi hetimor po punon për identifikimin e kufomës dhe sqarimin e plotë të rrethanave të ngjarjes./abcnews.al/
