Arrestohet në Tiranë Anterio Kaloshi, shoku i Orgest Bilbilit. Abcnews.al mëson se 29-vjeçari nga Lushnja është kapur pasditen e sotme gjatë një aksioni të policisë në Qesarakë.
Në momentin e arrestimit, Kaloshi ka qenë bashkë me Meardi Berberin, të kërkuarin për atentatin e ndodhur në hotel “Volorekën” mëngjesin e 8 gushtit.
Gjatë aksionit atyre i janë gjetur dhe sekuestruar edhe armë.
Kaloshi i shpëtoi policisë mesditën e 10 prillit ku në pranga u vu shoku i tij Orgest Bilbili i cili po lëvizte me kapuç në kokë gjatë periudhës së izolimit.
Një efektiv i forcave “Shqiponja” vuri re lëvizje të dyshimta të tij dhe iu afrua për ta kontrolluar por në momentin që i bëri thirrje ai e kërcënoi me armë.
Polici e ndoqi dhe më pas e qëlloi me plumb në këmbë për ta neutralizuar, duke bërë më pas të mundur edhe arrestimin e tij.
Kaloshi, i cili jetonte në një apartament me Bilbilin arriti t’ia mbathë. Policia gjeti në shtëpinë e marrë me qira me firmën e Jurgena Xh., e dashura e Anterio Kaloshit një pasaportë të këtij të fundit, 900 euro si edhe një armë që dyshohet se i përkiste Kaloshit.
Anterio Kaloshi ishte shpallur në kërkim për masakrën e ndodhur në Lushnje në vitin 2017.
Në ngjarjen e tre viteve më parë u ekzekutuan me armë Zamir Latifi e Jurgen Hoxha, si dhe u plagos Marius Xhepexhiu.
Më 28 korrik të këtij viti bashkë me rivalin e Aldo Bares, Laert Haxhiun, Kaloshi arriti t’i shpëtonte aksionit të policisë për kapjen e tij. RENEA kontrolloi 13 banesa, por nuk arriti të arrestonte të shumëkërkuarit. /abcnews.al
