Goditja e fuqishme e tërmetit pak minuta më parë ka pezulluar përkohësisht kërkimin e në banesat e rrënuara, brenda të cilave gjenden ende njerëz të bllokuar.
Në një intervistë dhënë gazetarit të Abc News Maksi Rama, drejtuesi i ekipit të shpëtimit rumun deklaroi se do ta rinisin shumë shpejt kërkimin pasi të marrin një konfirmim edhe nga drejtuesi i shefin e operacioneve në zonën në fjalë.
“Është shumë operacion i vështirë. Hapësirat janë të ngushta dhe ka shumë rrezik edhe për ne”, tha ai.
Tërmeti ka bërë që për momentin grupet e shpëtimit të ndërpresin prëkohësisht punën pasi i tremben shembjes së ndërtesave të dëmtuara nga lëkundja e djeshme.
Lëkundja ishte me forcë 5.3 e shkallës Richter me epiqendër zonën e Kepit të Rodonit.
Pas kësaj goditjeje janë shënuar edhe dy tërmete të tjera, njëri i forcës 3.1 dhe tjetri 3 i shkallës Richter.
Tërmeti ra në një thellësi prej rreth 10 kilometrash duke shkaktuar panik tek banorët në Durrës, Tiranë, Lezhë dhe rrethina.
Shqipëria është duke përjetuar një stuhi tërmetesh. Më i forti ishte me forcë 6.4 i shkallës Richter që ka shkaktuar 27 viktima dhe qindra të lënduar deri më tani. /abcnews.al
