Në 24 orët e fundit, në vendin tonë e kanë humbur betejën me koronavirusin tre persona të tjerë. Kështu numri total i viktimave nga Covid-19 në vendin tonë shkon në 104.
Ministria e Shëndetësisë njofton se brenda ditës ka humbur jetën një 44-vjeçare nga Tirana e cila prej 10 ditësh ndodhej e intubuar dhe pa sëmundje bashkëshoqëruese, përveç obezitetit.
Po ashtu, nuk e kanë fituar betejën edhe dy qytetarë, një 64-vjeçar nga Tirana dhe një 65-vjeçare nga Vlora me sëmundje bashkëshoqëruese.
Ndërsa, nga 425 testime të bëra në 24 orët e fundit, të konfirmuara me Covid-19 kanë rezultuar 99 raste.
Lexo edhe: Rritet numri i të infektuarve, zgjerohet harta e të prekurve
Shpërndarja gjeografike e rasteve është si vijon: 40 raste në Tiranë, nga 6 raste në Fier, Kavajë, nga 5 raste Dibër, Mirditë, nga 4 raste Krujë, Devoll, nga 3 raste Vlorë, Sarandë, Malësi e Madhe, nga 2 raste Durrës, Kurbin, Korçë, Elbasan, Lezhë, Has, Lushnje, Prrenjas, nga 1 rast në Kukës, Berat, Pogradec, Roskovec.
Në 24 orët e fundit janë shëruar 46 qytetarë, duke e çuar në 2137 numrin e të shëruarve që nga fillimi i epidemisë.
COVID-19 – Statistika (16 Korrik 2020)
Testime totale 34175
Raste pozitive 3851
Raste të shëruara 2137
Raste Aktive 1610
Humbje jete 104 (Qarku Tiranë 54, Shkodër 17, Durrës 16, Fier 5, Elbasan 5, Vlorë 3, Kukës 1, Lezhë 1, Berat 1, Dibër 1)
Shpërndarja gjeografike e rasteve aktive sipas qarqeve:
Tiranë 734
Durrës 209
Shkodër 199
Vlorë 104
Lezhë 86
Kukës 55
Korçë 50
Elbasan 46
Fier 42
Berat 40
Dibër 24
Gjirokastër 21 /abcnews.al/
