Mbrojtësi i Chelseas, Andreas Christensen, është shumë pranë rinovimit me blutë e Londrës. Klubi anglez kërkon ta blindojë danezin, sidomos pas interesimeve të shfaqura për të.
Sipas mediave britanike, 24-vjeçari kërkohet nga Milan e PSG. Me ardhjen e Thomas Tuchel në stolin e Chelseas, Christensen është rikthyer titullar dhe po kalon një formë të shkëlqyer.
Kujtojmë që kontrata e qendërmbrojtësit përfundon në vitin 2022, prandaj dhe drejtuesit kërkojnë të nxitojnë për të rinovuar. Vlera e kartonit të Andreas është 24 milionë euro dhe deri më tani numëron 10 ndeshje në Premier League këtë sezon. /abcnews.al
