Deputetja e Partisë së Lirisë, Monika Kryemadhi ka folur për mediat në ambientet e jashtme të Kuvendit. Ajo u shpreh se opozitës po i hiqet e drejta e fjalës në Kuvend dhe se kryeparlamentarja aktuale, Lindita Nikolla nuk është në gjendje ta administrojë.
Në lidhje me Dorian Duçkën, Kryemadhi tha se ai është një kushëri i Ilir Metës dhe për sa kohë ka qenë pjesë e LSI-së ka qenë i rregullt, kur e thirri Rama u bë një lobist i tij.
“Dua t’ju falenderoj për hapësirën që na jepni, pasi parlamentin e ka bllokuar Nikolla, si një mercenare e Ramës.
Si deputete e thjeshtë, është e disata herë që na hiqet e drejta e fjalës. Sot do të diskutonim për gazrat që lëshohen në venddepozitime të vjetra të Sharrës. S’na u dha e drejta për të diskutuar, por as për të marr përgjigje.
Rasti i Erisa Xhixhos, një kryeparlamentare që nuk është aftë të administrojë, të largohet dhe të zgjedhin Ballën, do ishte më etike.
A ka mundësi ta dimë pse Rama ka kaq frikë kur eshtë i pastër.
Më vjen keq për vendin tim, kam shumë dëshirë që ndërkombëtarët që na kanë treguar ligjin, a mund të na tregojnë se çfarë po ndodh me Ramën që vjedh paratë e shqiptarëve.
A ka Dorian Ducka, lidhje me partinë e LSI, tani PL?
Dorian Duçka është djali i hallës së Ilir Metës. Sa ishte në LSI ishte i rregullt.
Në momentin që Edi Rama e ftoi si zyrtar edhe Duçka u bë një lobist i Ramës që bënte të gjitha porositë e tij.
Kjo është një çështje që i përke drejtësisë, tha ndër të tjera Kryemadhi.r.t/abcnews.al
