Vinicius Junior, sulmuesi brazilian i Real Madrid, është shfaqur i mërzitur pas humbjes që spanjollët pësuan kundër Manchester City. Ai nuk kursehet ndaj arbitrit të ndeshjes dhe ankohet për golin e barazimit, që u shënuar nga Gabriel Jesus.
Sipas Vinicius, sulmuesi shkaktoi faull te Sergio Ramos. Ndër të tjera ai thekson se arbitrat ndaj tyre po sillen njëlloj. “Nuk do të biem poshtë në aspektin psikologjik pas kësaj humbjeje. Gabriel Jesus shkaktoi faull te goli i parë dhe të gjithë e dinë këtë. Arbitri e ka VAR-in dhe nuk do ta përdorë atë.
E pashë që ishte faull në fushë dhe nuk ishte e nevojshme ta shikoja në dhomat e zhveshjes. Ata gjithmonë na trajtojnë në këtë mënyrë. Edhe në ndeshjen kundër Levante, karton i verdhë për Ramos në faullin e tij të parë nuk ishte normal”, shprehet Vinicius. /abcnews.al
https://twitter.com/i/status/1232946235302125570
