Banorët e “Big Brother VIP” ndodhen prej 100 ditësh të izoluar në shtëpinë më të famshme në Shqipëri duke humbur kontaktet me botën e jashtme. Pavarësisht se nuk mund të komunikojnë me të afërmit e tyre, ata mundohen të prekin realitetin përmes dedikimeve dhe mesazheve prekëse.
Së fundmi, ka qenë Monika që ka bërë një gjest prekës. E bija e saj, Tea, feston ditëlindjen, dhe në pamundësi për ta takuar, aktorja formoi me jastëkë dhe peshqirë, emrin e saj, një zemër dhe numrin 100. Kjo padyshim i ka emocionuar të gjithë konkurrentët që ndodhen brenda shtëpisë.
Sakaq, kujtojmë që Tea ka qenë mjaft aktive dhe është përfshirë nëpër shumë intervista duke folur për ecurinë e mamasë së saj përballë banorëve të tjerë.
