Sulmuesi i Liverpool, Mohamed Salah, i ka shkelur syrin klubeve spanjolle për të ardhmen. 28-vjeçari në një intervistë për “AS”, deklaron se Reali dhe Barça janë dy klube të mëdha dhe se së ardhmes nuk i dihet kurrë. Gjithsesi ai është i përqendruar për momentin tek “The Reds” dhe kërkon të thyejë çdo rekord në klub.
“Unë mendoj se Real Madrid dhe Barcelona janë dy klube të mëdha. Ne kurrë nuk e dimë se çfarë do të ndodhë në të ardhmen, por për momentin jam i përqëndruar në fitimin e Premier League dhe Champions League përsëri me klubin tim”, deklaron egjiptiani.
“Tani për tani mund të them se gjithçka është në dorën e Liverpool. Sigurisht unë dua të thyej rekorde këtu dhe po e theksoj çdo rekord në klub, por e kanë ata në duar”, përfundon Salah, i cili mungoi ditën e djeshme në fitoren 0-7 kundër Crystal Palace për shkak dëmtimi. /abcnews.al
