Lewis Hamilton vijon të dominojë Formula 1, por vazhdimësia e këtij “sundimi” mund të jetë drejt fundit. Ky sezon është i fundit në kontratë e tij aktuale me Mercedes dhe në një intervistë pas fitores në Imola ai duket shumë i paqartë për të ardhmen.
Më pas flet edhe për largimin e shefit te skuderisë gjermane, Toto Wolf, i cili ka vendosur të tërhiqet përkohësisht nga puna. Në rast largimi, Hamilton do të vinte seriozisht në rrezik thyerjen e rekordit të Schumacher me shtatë tituj kampion bote. Nëse e fiton këtë sezon, që është thjesht çështje kohë, Hamilton barazon legjendën gjermane.
“As vetë nuk e di nëse do të jem këtu vitin e ardhshëm, por nuk është një shqetësim për mua për momentin. Unë dhe Toto (Wolf) kemi pasur biseda të thella me njëri-tjetrin dhe e di se në çfarë gjendje është ai mendërisht. E kuptoj se ai dëshiron të tërhiqet pak dhe t’i japë më shumë kohë familjes së tij.
Nuk e di kush do ta zëvendësojë atë, por ai është një udhëheqës i madh dhe jam i sigurt se nuk do të vendosë në vendin e tij dikë që nuk di ta bëjë punën. Jam i bindur se do gjejë zëvendësuesin e duhur”, u shpreh kampioni britanik. /abcnews.al
