Leeds dëshiron që transferimi i Raphinhas të mbyllet sa më shpejt të jetë e mundur. Sipas mediave britanike Barcelona duhet të veprojë sa më shpejt dhe të paraqesë ofertën përfundimtare për brazilianin dhe kjo duhet të ndodhë deri ditën e nesërme.
Sipas gazetarit Ben Jacobs, ky është një ultimatum nga skuadra angleze, e cila kërkon të zgjidhë sa më shpejt të ardhmen e lojtarit, pasi tashmë ka gjetur edhe zëvendësuesin e tij dhe bëhet fjalë për Luis Sinisterra, sulmuesi kolumbian i Feyenoord.
Braziliani ka arritur një marrëveshje në parim me katalanasit, megjithatë ofertat e Arsenal dhe Chelsea kapin shifrën e 75 milionë eurove. /f.a/abcnews.al
