Mesfushori i Manchester United, Paul Pogba, pritet të rinovojë kontratën me “Djajtë e Kuq”. Ky është raportimi më i fundit që vjen nga “United.no” dhe drejtuesit e klubit anglez besojnë se lojtari tashmë është bindur për ta vazhduar karrierën e tij në “Old Trafford”.
Muaj më parë, kampioni i botës me Francën nuk grumbullohej farë në skuadër nga Solskjaer, çka shtoi zërat për një largim të mundshëm të tij nga United. Mirëpo, me kalimin e kohës Pogba rifitoi sërish vendin në formacion, duke u rikthyer në një nga lojtarët më të rëndësishëm të ekipit.
Kontrata e 27-vjeçarit përfundon në vitin 2022 dhe vlera e kartonit të Paul vlerësohet plot 65 milionë euro. Deri në këtë fazë të sezonit mesfushori numëron 28 ndeshje në të gjithë kompeticonet me United, ku ka arritur të shënojnë 4 herë e të asistojë 3 herë për shokët e skuadrës. /abcnews.al
