Kontrata e Luka Modric skadon në fund të sezonit, por ndryshe nga sezonet e fundit, ku supozohej se të dyja palët donin të vazhdonin marrëveshjen, kjo është më pak e qartë tani, pasi 38-vjeçari nuk është më zgjedhja e parë e trajnerit.
Kroati hodhi poshtë një ofertë të madhe nga Arabia Saudite në merkaton e verës dhe raportohet se ai do të dëshironte të qëndronte ende edhe me gjatë te Real Madrid.
Në një konferencë për shtyp, trajneri Carlo Ancelotti u pyet nëse dëshironte qëe Modric të vazhdonte në sezonin e ardhshëm.
“Ai është një legjendë e këtij klubi dhe e futbollit. Ai do të duhet të marrë vendimet për sezonin e ardhshëm”, tha Ancelotti.
Mesfushori kroat ka pohuar gjithmonë se për të është më mirë të largohet nga Real Madrid se sa të qëndrojë në stol. Modric ka startuar nga minuta e parë vetëm 13 ndeshje nga 41. Në total, ai ka luajtur 24 herë, duke shënuar 1 gol dhe duke asistuar 6 herë në vetëm 1250 minuta lojë në total./h.ll/abcnews.al
