Dortmund shiti Jadon Sancho, por nuk ka ndërmend të bëjë të njëjtin veprim me Erling Haaland, goleadorin kryesor të skuadrës.
Drejtori sportiv i klubit gjerman, Michael Zorc është ndalur edhe njëherë tek e ardhmja e sulmuesit 20-vjeçar (41 gola sezonin e kaluar).
Në prononcimin e dhënë për Bild, drejtuesi i Dortmund shprehet: “Situata është e njëjtë, asgjë nuk ka ndryshuar për ne.
Ne jemi ende duke planifikuar sezonin e ardhshëm sikur Haaland të ishte pjesë e skuadrës tonë“, deklaron Zorc.
Haaland nuk e priti aspak mirë largimin e Sancho drejt Manchester United dhe reagoi pak ditë më parë me anë të një postimi në rrjetet sociale.
Kontrata e tij me Dortmund përfundon në verën e vitit 2024 dhe do të luajë, të paktën, edhe një tjetër sezon në “Signal Iduna Park”. /abcnews.al
