Mesfushori i Rennes, Eduardo Camaviga, është në radarin e klubeve më të mëdha në Europë, por presidenti i klubit francez ka larguar zërat e merkatos nga ylli i tij. 17-vjeçari shkëlqeu këtë sezon në Ligue 1 dhe paraqitjet e tij ranë menjëherë në sy.
Milan, Real Madrid apo dhe Liverpool shfaqën interes për shërbimet e tij, por tashmë pas fjalëve të Nicolas Holveck do të jenë të zhgënjyer. “Ne kemi rënë dakord me Eduardon dhe ai do të qëndrojë me ne dhe në sezonin e ardhshëm. Ai është një lojtar i zgjuar dhe e di shumë mirë se çfarë do të bëjë me të ardhmen e tij.
Përpos kësajt, ne ende nuk kemi marë asnjë ofertë zyrtare për të”, mbyll presidenti i Rennes për gazetën spanjolle “MARCA”. Kartoni i Camavingës vlerësohet diku te 50 milionë euro, por Real Madrid dhe Milan do ti duhet ta shtyjnë për vitin tjetër duelin për adoleshentin. /abcnews.al
