Një 63 vjeçar nga Berati, rezulton i zhdukur prej dy ditësh, ndërsa dyshohet se është mbytur në lumen Vjosë. Ëngjëll Kanani, kishte dalë për peshkim. Kallëzimi në polici për zhdukjen është bërë nga shoku i tij.
Banoret e fshatit Kashisht në Fier, thonë se dy peshkatarët vinin pothuajse cdo ditë në zonë për të peshkuar me grep. Ditën e ngjarjes ata janë parë duke peshkuar në vende të ndryshme dhe kishin lënë një vend takimi rreth orës 14:30, takim që nuk u realizua kurrë.
Po dëshmisë së një banori të fshatit ku ndodhi ngjarja, 63- vjecari i humbur vuante nga zemra dhe dyshohet se mund të ketë rënë në ujrat e lumit Vjosë.
Babai i dy fëmijëve prej tre vitesh peshkonte në lumin Vjosë. Ndërkohë kërkimet për gjetjen e tij vijojnë në bashkëpunim me polumbarët. Operacioni i kerkimit po vazhdon në të gjithë zonën e Kashishtit dhe Kafarajt në Fier.
/ abcnews.al