Policia ka dhënë informacion zyrtar në lidhje me ngjarjen e ndodhur mëngjesin e kësaj të hëne në Shkodër, ku 40-vjeçari Aleksandër Curri u plagos me armë zjarri.
Ngjarja ka ndodhur rreth orës 09:00, në vendin e quajtur “Dollari”, ndërsa i plagosuri është dërguar në spital dhe po merr ndihmë mjekësore.
Në lidhje me autorin, dyshohet se ai është larguar në brendësi të lagjeve të qytetit.
Ndërkaq, një dëshmitare ka deklaruar për ABC News, se i plagosuri eci në këmbë për disa momente dhe u shtri në tokë.
Ajo i dha ndihmën e parë, teksa u shpreh se ai ishte i plagosur në stomak./abcnews.al
