Strukturat e Posaçme për Hetimin e Krimeve zgjedhore në Kukës, në bashkëpunim me Drejtorinë e Forcës së Posaçme Operacionale Kukës, drejtimin e SPAK, ka arrestuar në flagrancë shtetasin Kalosh Peposhi, 27 vjeç, aktivist i Partise Social Demokrate, te Tom Doshit per korrupsion aktiv ne zgjedhje. Peposhi banues në fshatin Lusen, rezulton i dënuar më parë për kultivim të bimëve narkotike në Mbretërinë e Bashkuar.
Gjatë arrestimit, këtij shtetasi ju gjet një shumë e konsiderueshme parash, të cilat dyshohet se do ti përdorte për blerje votash. Nderkohe qe kusheriri I tij Gazmend Peposhi eshte shpallur ne kerkim
Njoftimi:
Në vijim të informacionit të dhënë mbrëmjen e djeshme, ku u shpallën në kërkim dy shtetas për “Korrupsioni aktiv në zgjedhje”, kryer në bashkëpunim, ju informojmë se;
Nga strukturat e Posaçme për Hetimin e Krimeve zgjedhore në DVP Kukës, në bashkëpunim me Drejtorinë e Forcës së Posaçme Operacionale të DPPSH dhe DVP Kukës, nën drejtimin e SPAK, u bë arrestimi në flagrancë i shtetasit K. P., 27 vjeç, banues në fshatin Lusen, i dënuar më parë për kultivim të bimëve narkotike në Mbretërinë e Bashkuar.
Gjatë arrestimit, këtij shtetasi ju gjet një shumë e konsiderueshme parash, të cilat dyshohet se do ti përdorte për veprimtari kriminale të korrupsionit aktiv në zgjedhje.
Vijon puna për kapjen e shtetasit G. P. Materialet procedurale do ti kalojnë Prokurorisë së Posaçme për Korrupsionin dhe Krimin e Organizuar.
