Dy persona kanë humbur jetën në dy aksidente rrugore gjatë mbrëmjes së sotme. Ngjarja e parë ka ndodhur në aksin Elbasan-Gjinar, në fshatin Zavalinë. Një mjet tip Fouristradë doli nga rruga dhe për pasojë humbi jetën drejtuesi, 31-vjeçari Taulant Dedja dhe u plagos pasagjeri.
Ndërsa aksidenti i dytë ndodhi në Fushë–Bulqizë. Një automjet me targa italiane ka aksidentuar për vdekje një këmbësor dhe më pas është larguar. Drejtuesi që dyshohet se shkaktoi aksidentin është ndaluar disa minuta pas ngjarjes. Viktimë mbeti një 40-vjeçar./abcnews.al
