Plagosja e 23 vjeçares E.Koroveshi në një hotel në autostratën Tiranë-Durrës mëngjesin e sotëm ka qenë aksidentale.
Abc mëson se të dy të rinjtë janë të dashur me njëri-tjetrin dhe kanë shkuar sot në mëngjes në hotel. Në dhomë, të dashurit të saj, 32 vjeçarit Fatbardh Doda, i është shkrepur arma aksidentalisht dhe me tre rikoshetë, një plumb e ka kapur vajzën në krah.
Burimet bëjnë me dije se 32 vjeçari ishte në gjendje të dehur. E reja është plagosur në krah dhe ndodhet në spital jashtë rrezikut për jetën.
32-vjeçari menjëherë pas ngjarjes është larguar nga vendi i ngjarjes dhe ka qenë stafi i hotelit që ka njoftuar policinë. Policia ka ngritur pika të shumta kontrolli për kapjen e autorit të plagosjes. be.k/abcnews.al
