Tre persona janë vënë në pranga nga Policia e Durrësit si autorë të dyshuar të disa vjedhjeve.
“Specialistët e Seksionit për Hetimin e Krimeve në Komisariatin e Policisë Durrës, në vijim të punës për zbardhjen e ngjarjeve edhe vënien para përgjegjësisë të autorëve, në bazë të informacioneve të siguruara nga strukturat policore, kanë bërë të mundur finalizimin me sukses të operacionit të koduar “Ndjekja”, duke arrestuar në flagrancë tre shtetasit J.P, E.P dhe Q.R”, shkruhet në një njoftimin e uniformave bu të qytetit bregdetar.
J.P. dhe E.P dyshohen se kanë vjedhur me thyerje një dyqan bylmetoreje ku morën dhe një sasi parash të shtunën. Gjithashtu ata dyshohen se kanë tentuar të vjedhin edhe një dyqan mishi.
Ndërkohë Q.R dyshohet se ka vjedhur një makinë tip Benz. Mjeti u sekuestrua përpara se autori i dyshuar ta shiste në një varrezë makinash./abcnews.al
