I ftuar në “ABC e Mëngjesit” me Enkel Demin, epidemiologu Dritan Ulqinaku, u shpreh se qytetarët duhet të tregohen të përgjegjshëm përballë koronavirusit, ndërsa theksoi se është një virus që përhapet shumë shpejt. Epidemiologu theksoi se duke pasur rastet e para në vend ka arsye që ta mendojmë seriozisht situatën.
“Ka arsye për tu frikësuar, por duhet të menaxhojmë frikën, është një virus që përhapet shumë lehtë dhe kjo është e keqa . Rruga e përhapjes është janë njësoj si prekjet e gripit të zakonshëm. Epidemia po vazhdon. Karakteristika e këtij virusi është sepse paraqitet shumë letal në moshat e treta. Periudhën e inkubacionit e ka shumë të lartë. Kemi arsye që të mendojmë seriozisht dhe të reagojmë”, tha epidemiologu.
Më tej ai theksoi se gripi ka vrarë më shumë persona, ndërsa u shpreh se ky është një virus i ri dhe duhet të tregohemi të përgjegjshëm.
“Të karantinosh qytete me 12 milion banorë nuk ishte parë ndonjëherë dhe Kina ia doli mbanë. Amerika ndryshe nga Italia apo shtete të tjera evropiane mori masa drastike që në fillim. Ndërkohë, vetëm para dy javësh Italia e mori situatën seriozisht”, u shpreh ai.
Rastet në Shqipëri
Ulqinaku: Nuk i kam investiguar personalisht.
Personat e prekur a mund të vazhdojnë aktivitetin normal pasi shërohen?
Ulqinaku: Po mund të vazhdojnë jetën normalisht, nuk ka asnjë lloj problemi. Nuk ka asnjë rrezik, nëse ribëjnë analizën dhe rezultojnë negativ, vazhdojnë jetën normalisht.
Virusi ku jeton?
Ulqinaku: Ende nuk është zbuluar 100% por bëhet me dije se përhapet me anë të ajrit, pështymës. Është infeksion aerogen.
Janë rekomanduar maska, por jo doreza?
“Dorezat janë më të pista se vetë duart, ato sugjerohen në momentin që një person do të prekë një sipërfaqe të nxehtë apo ka alergji ndaj elementëve të jashtëm dhe në rastin kur është një dorezë një përdorimshme”, deklaroi epidemiologu./abcnews.al
