Anglia arriti një fitore shumë të rëndësishme dje në “Air Albania Stadium” kundër Shqipërisë, ku djemtë tanë u mposhtën me rezultatin 0-2. “3 Luanët” vazhdojnë kështu të qetë rrugën drejt Katar 2022 dhe pas dy ndeshjeve të para kanë gjashtë pikë të plota.
Përballja e djeshme rezultoi e veçantë dhe për portierin e anglezëve, Nick Pope. Sipas raportimi të “Opta”, 28-vjeçari numëron 6 ndeshje me kombëtaren dhe nuk ka pësuar ende asnjë gol. Këtë nuk e ka arritur askush më parë në historinë e Anglisë dhe Pope duhet të jetë krenar për këtë.
6 – Nick Pope has kept a clean sheet in all six of his appearances for England; the first time a goalkeeper hasn’t conceded in any of his first six games for The Three Lions. Tranquil. pic.twitter.com/Xh16FzerFo
— OptaJoe (@OptaJoe) March 28, 2021
Gjithsesi, gardiani i Burnleyt duhet të falenderojë edhe Myrto Uzunin, pasi ky i fundit mund ta kishte ndëshkuar në pjesën e parë nëse do të tregohej më i saktë në atë rast të artë që patëm. Mbetet për t’u parë se sa do të zgjasë ky rekord për Pope, pasi ndeshjen e ardhshme Anglia e ka me Poloninë. /abcnews.al
