Jo vetëm Bayern Munich po tenton të marrë nga Tottenham Tanguy Ndombele. Mesfushori është një objektiv edhe për Juventusin.
Tuttosport raporton se Tottenham dhe Juventus po flasin për një shkëmbim mes Ndombele dhe amerikanit Weston McKennie, i cili bëri një sezon të mirë vjet me bardhezinjtë.
Për të arritur te futbollisti i londinezëve duhet edhe një shumë parash, për të zeruar diferencën në aspektin financiar.
Tottenham e ka blerë Ndombele verën e vitit 2019 për 60 milion euro te Lyon, kurse Juventusi McKennie për 25 milion euro nga Schalke 04. Fabio Paratici po punon për të konkretizuar marrëveshjen. /abcnews.al
