Dua Lipa ka njoftuar se së shpejti do të sjellë një klip për këngën “Levitating”, nga albumi i fundit “Future Nostalgia”.Për realizimin e tij, artistja shqiptare ka kërkuar ndihmën e fansave të saj. Ajo ka hapur një audicion në TikTok, ku iu bën thirrje fansave të marrin pjesë në sfidën”#DuaVideo” , për t’u bërë pjesë e klipit që do të xhirohet së shpejti.
“Jam shumë e entuziazmuar t’ju them se jam duke punuar në një video muzikore për ‘Levitating’ dhe unë dua që ju të jeni pjesë e tij. Pavarësisht nëse është koreografi, tutorial grimi, animacion, ajo fillon në TikTok. Merrni pjesë në sfidën #DuaVideo dhe ju ose puna juaj mund të përfshihen në videon zyrtare. Unë nuk mund të pres që të shoh se çfarë do të prezantoni”, shprehet Dua.
@dualipaofficialI want my loves to be a part of my official video for Levitating. Check out the ##DuaVideo challenge to find out how? (T&Cs apply, link in bio)♬ original sound – dualipaofficial
Kujtojmë që Dua Lipa së fundmi ka sjellë dy bashkëpunime që patën një impakt të mirë tek publiku. Ajo publikoi “Un Dia” me J Balvin dhe Bad Bunny, si dhe një tjetër remix të “Levitating” me divën e muzikës Madonna dhe Missy Elliot. /abcnews.al/
