Mund të themi me besim se rikthimi i mini-çantës identifikohet drejtpërdrejt me stilistin francez, Simon Porte Jacquemus. Ishte viti 2019 , kur u lansua çanta mini “Le Chiquito”, në një larmi ngjyrash, përmasash të vogla dhe teksturash. Disa dizajne ishin edhe aq të vogla saqë mezi i përshtateshin buzëkuqit, duke shkaktuar një sërë memesh gazmore.
Familjes së mini-çantave tani po i shtohet një nuancë e re. Ky është “Le Bambino Long” , i cili debutoi gjatë pushimeve në mënyrën më të veçantë. Çanta e re ishte në dispozicion përmes një butiku 24-orësh, ku konsumatorët mund të paguanin në internet dhe të merrnin blerjet e tyre përmes makinave shitëse. Tani është në dispozicion edhe në dyqanin online të markës.
View this post on Instagram
Shtëpia pariziene është një nga zgjedhjet e preferuara të të brendshmeve të modës dhe të famshmëve më me stil. Rihanna, Kendall Jenner dhe Hailey Beiber janë vetëm disa nga ikonat moderne të modës që e kanë lavdëruar vazhdimisht stilistin në llogaritë e tyre në rrjetet sociale. Herën e fundit na pëlqeu dizajni i ri në llogarinë e Dua Lipës, e cila e kombinoi atë me një kapele të thurura dhe një mini-fund metalik, në daljen e saj të natës./abcnews.al
View this post on Instagram
