Dua Lipa dhe Romain Gavras duket se e kanë zyrtarizuar lidhjen. Ata u shfaqën shumë të dashuruar teksa bënë debutimin e tyre në tapetin e kuq në Festivalin e 76-të Vjetor të Filmit në Kanë të premten në mbrëmje.
Këngëtarja e New Rules, 27 vjeçe, konfirmoi në mars se është në një lidhje me regjisorin Romain, 41 vjeç, i cili është ish-i i Rita Orës.
Çifti deri më tani e ka mbajtur marrëdhënien e tyre shumë private, por gjatë premierës së Omar La Fraise (Mbreti i Algjerit) ata u shfaqën të lumtur, duke u kapur për dore, duke qeshur dhe duke parë njëri-tjetrin me dashuri.
Dyshja u fotografua për herë të parë në muajin shkurt, kur u panë duke dalë së bashku nga një festë në Londër. Menjëherë pas kësaj, ata u fotografuan sërish të kapur për dore në Paris.
Në muajin mars, burimet pohuan se dyshja po njiheshin me njëri-tjetrin prej disa muajsh, pas ndarjes së saj nga Anwar Hadid në 2021.
Një burim i panjohur tha për The Sun se Dua dhe Romain janë njohur në heshtje për disa muaj. /abcnews.al
