Drenica bën merkato sërish në Republikën e Shqipërisë. Pasi mori Donald Rapon nga Laçi, Behar Ramadanin nga Vllaznia dhe Dionis Çikanin nga Partizani, tashmë dardanët kanë konkretizuar një tjetër lëvizje.
Nën urdhrat e trajnerit Bledar Devolli është vënë mbrojtësi i majtë, Klevis Shaqe, i cili pjesën e parë të këtij sezoni ishte titullar te Turbina në Kategorinë e Parë.
Vetë klubi nga Cërriku ka bërë me dije arritjen e marrëveshjes për Shaqen, i cili është formuar si lojtar te Skënderbeu dhe më pas ka qenë pjesë e Tomorit, Pogradecit dhe Besës së Kavajës. / abcnews.al
