Drejtuesit e Real Madridit janë të zhgënjyer me taktikën e Carlo Ancelottit në ndeshjen me Barcelonën.
Lajmi është raportuar nga ESPN. Bëhet fjalë për ndeshjen e parë gjysmëfinale të Kupës së Spanjës, ku klubi madrilen në Santiago Bernabeu humbi 0:1 nga katalanasit.
Disa personalitete të Real Madridit kritikuan mungesën e planit B të Ancelottit në një lojë që Real Madridi dominoi, por kurrë nuk gjuajti në portë.
Real Madridi zakonisht mbështetet te Vinicius për të thyer mbrojtjen e kundërshtarit, por anësori u mbulua nga mbrojtësi Ronald Araujo, dhe Reali nuk gjeti një mënyrë tjetër për të thyer mbrojtjen e Barçës.
Vendimi i Ancelottit për të pasur 33-vjeçarin Toni Kroos dhe 37-vjeçarin Luka Modric në formacionin fillestar të Madridit u vu gjithashtu në pikëpyetje, pasi pritej të ishte një përballje e vështirë fizike.
Pyetjet ishin edhe për lojën e mbrojtësve Dani Carvajal dhe Nacho. Pritej më shumë nga Carvajal në sulm dhe Nacho, i cili luajti në krahun e majtë në mungesë të Ferland Mendy dhe David Alaba, nuk ishte në gjendje të lëvizte përpara dhe të mbështeste Vinicius. /G.D abcnews.al/
