TIRANË- Prokuroria e Posaçme i ka komunikuar akuzën dhe ka marrë të pandehur ish-ministrin e Shendetësisë Ilir Beqaj.
Prokurorët e Posaçëm i kanë komunikuar të hënën akuzën e shpërdorimit të detyrës të kryer në bashkëpunim në lidhje me hetimet për konçesionin e sterilizimit.
Ish-ministri pretendoi se prokuroria ka kryer hetime të pa plota dhe të vërtetën e tij do ta tregojë në gjykatë.
Ilir Beqaj po hetohet nën masën detyrim paraqitje dhe ndalim dalje jashte shtetit.
Ndërkohë ish-zëvendësi i tij, Klodian Rrjepaj dhe biznesmeni Ilir Rrapaj që fitoi koncesionin, janë nën masën e sigurisë arrest në burg.
Nën masën arrest shtëpie janë ish-drejtorët ekonomikë dhe juridikë të Ministrisë së Shëndetësisë, ndërsa 4 mjekë anëtarë të Komisionit të Vlerësimit të Ofertave, janë me masë detyrim paraqitje.
Akuzat e të pandehurve:
- Ilir Beqaj ‘shpërdorim detyre”
- Ilir Rrapaj ‘Mashtrim’
- Klodjan Rjepaj ‘Falsifikim i dokumenteve’ dhe ‘Shpërdorimi i detyrës’
- Saimir Kadiu ‘Falsifikim i dokumenteve’ dhe ‘Shpërdorimi i detyrës’
- Marsela Serjana ‘Falsifikim i dokumenteve’ dhe ‘Shpërdorimi i detyrës’
- Arben Gjata ‘Falsifikim i dokumentave’ dhe ‘Shpërdorimi i detyrës’
- Naile Ajazi ‘Falsifikim i dokumenteve’ dhe ‘Shpërdorimi i detyrës’
- Genc Byrazeri ‘Falsifikim i dokumenteve’ dhe ‘Shpërdorimi i detyrës’
- Petri Mersini ‘Falsifikim i dokumenteve’ dhe ‘Shpërdorimi i detyrës’/ abcnews.al
